वृद्धाश्रमातील २९ वृध्द कोरोनाबाधित
८ वृद्धांवर शासकीय कोरोना कोविड क्रेंदावर उपचार सुरू
सावनेर : सावनेर येथील स्वामी विवेकानंद वृद्धाश्रमातील ४६ पैकी २ ९ . वृद्धांना कोरानाची लागण झाली आहे . यातील ८ वृद्धांना सावनेर येथील शासकीय कोविड केअर सेंटर येथे उपचारासाठी दाखल करण्यात आले असल्याची माहिती अधिकारी डॉ.संदीप गुजर यांनी दिली . सावनेर तालुक्यात कोरोनाचे संक्रमण मोठ्या प्रमाणावर आहे . अशातच स्वामी विवेकानंद वृद्धाश्रमाला कोरोनाने विळखा घातल्याने चिंता व्यक्त केली जात आहे . या वृद्धाश्रमातील वृद्धांच्या कोविड प्रतिबंधात्मक लसीकरणासाठी जिल्हा परिषदेच्या समाज कल्याण विभागाकडे पत्र पाठविण्यात आले होते . मात्र प्रशासनाने प्राथमिकता देऊन तातडीने लसीकरण केले नाही असा व्यवस्थापनाचा आरोप आहे . स्थानिक प्रशासनाच्या वतीने या वृद्धाश्रमाला कोविड प्रतिबंधात्मक उपाययोजनांसाठी कोणत्याही प्रकारच्या सुविधा पुरविल्या नाही . या वृद्धाश्रमात ऑक्सिजन सिलिंडर ,महत्त्वाच्या औषधी नाहीत . यासंदर्भात हे वृद्धाश्रम सचिव युगांत कुंभलकर यांना विचारणा केली असता त्यांनी यास दुजोरा दिला . वृद्धांच्या आरोग्याच्या सुरक्षेसाठी शासनाने तातडीने सर्व सुविधा पुरवाव्यात अशी मागणी त्यांनी केली .
