रेती चोरून नेताना ट्रक्टर ट्राली पकडुन ५ लाख ३ हजारांचा मुद्देमाल जप्त.
कन्हान : – नागपुर जबलपुर राष्ट्रीय महामार्ग कांद्री परिसरात अवैध रेती चोरून ट्रक्टर ट्रालीने वाहतुक करताना पकडुन ट्रक्टर, ट्राली सह १ ब्रॉस रेती असा एकुण ५ लाख ३ हजार रूपयांचा मुद्देमाल कन्हान पोलीसानी जप्त केला.
परिसरातील पेंच व कन्हान नदी पात्रातुन अवैधरित्या रेती चोरी मोठया प्रमाणात करण्यात येत आहे. बुृधवार (दि.२४) ला सकाळी ४. ४५ ला नागपुर जबलपुर राष्ट्रीय महामार्गावरील हॉटेल ऑर्किट जवळ कांद्री येथे अवैधरित्या रेती चोरून कन्हान कडे नेताना ट्रक्टर क्र एमएच ४० बी ई ११२७ व ट्रॉली क्र एम एच ४० एल ४३५१ मध्ये १ ब्रॉस चोरीची रेती वाहतुक करताना आरोपी ट्रक्टर चालक अशोक भलावी वय २८ रा निमखेडा यास पकडुन कन्हान पोलीसानी ट्रक्टर ट्रॉली किमत ५ लाख व १ ब्रॉस रेती ३ हजार असा एकुण ५ लाख ३ हजार रूपयांचा मुद्देमाल जप्त करण्यात आला. पुढील तपास थानेदार अरूण त्रिपाठी यांच्या मार्गदर्शनात पोउपनि जावेद शेख करित आहे.
