तरुणासह कुटुंबाला मारहाण : वाढोणा( बु .)
कळमेश्वर , ता .२७ : क्रिकेट खेळत असलेल्या तरुणांना खेळण्यास हटकणे एका तरुणांस चांगलेच भोवले . तीन तरुणांनी मिळून हटकणाऱ्यासह त्याच्या कुटुंबीयांना जबर मारहाण करून जखमी केले . ही घटना स्थानिक पोलिस ठाण्याच्या हद्दीत येणाऱ्या वाढोणा ( बु . ) येथे घडली . पोलिसांनी तीनही आरोपींना अटक केलेली आहे.
संजय मनोहर चौधरी (वय ३३), प्रफुल अरूण ठाकरे (वय२२) व सतीश प्रभाकर ठाकरे वय (१९)सर्वच रा.वाढोणा बु . ) अशी अटक करण्यात आलेल्या आरोपींची तर अमित हेमराज राऊत (वय२६) वाढोणा अशी मारहाण झालेल्या तरुणाचे नाव आहे. घटनेच्या दिवशी शुक्रवारी दुपारी संजय, प्रफुल व सतीश व एक विधीसंषर्घ बालक हे गावातील जिल्हा परिषद शाळेच्या मैदानावर क्रिकेट खेळत होते. त्यांच्या या खेळण्यामुळे शाळेच्या इमारतीचे नुकसान होईल म्हणून अमित यांना येथे खेळण्यासाठी हटकले .याचा राग आल्याने आधी आरोपी व अमित मध्ये वाद झाला,
वाद विकोपाला गेला आणि मारहाणीत परिवर्तीत झाला . दरम्यान तेथे अमितचा भाऊ सचिन ,राहुल, आई शिला राऊत व वहिनी प्रियंका राऊत तेथे आल्या असता त्यांना सुद्धा मारहाण करून जखमी केले .
या प्रकरणी अमित व कुटुंबियांनी कळमेश्वर पोलिस ठाणे गाठून आरोपींविरोधात तक्रार दाखल केली. या प्रकरणी पोलिसांनी आरोपींविरोधात गुन्हा नोंद करून अटक केली
पुढील तपास एएसआय लक्ष्मण रुढे हे करीत आहेत .