अजय चांदखेडे यांची सावनेरचे उपविभागीय पोलिस अधिकारी पदी नियुक्ती
सावनेर : सावनेरचे उपविभागीय पोलिस अधिकारी यांच्या सेवानिवृत्तीमुळे रिक्त झालेल्या पदासाठी अजय चांदखेडे यांची नियुक्ती करण्यात आल्याने त्यांनी शनिवारपासून पदाचा कार्यभार स्वीकारला. ३१ डिसेंबर २०१९ रोजी पासुन हे पद रिकामे होते. त्यांतर १ जानेवारीपासून नागपूर विभागाच्या पूजा गायकवाड यांच्याकडे सावनेरचे उपविभागीय पाेलिस अधिकाऱ्याचे पदाचा अतिरिक्त कार्यभार देण्यात आला होता .
नुकताच हा कार्यभार अजय चांदखेडे यांच्या वर सोपवण्यात आलेला आहे . दिलेला कार्यभार सुरळीत , सुव्यवस्थित , शांततेत, काटेकोरपणे पार पाडण्याची ग्वाही त्यांनी स्थानिक प्रतिनिधी सोबत बोलतांनी दिली. सावनेर ठाण्याचे पोलिस निरीक्षक मारुती मुळूक यांनी त्यांचे पुष्पगुच्छ देऊन स्वागत केले .
