काटोल : नगर परिषद नगराध्यक्ष , उपाध्यक्ष , गटनेते सह १ ९ सदस्य अपात्र ठरविण्याचे आदेश महाराष्ट्र नगर विकास राज्यमंत्री प्राजक्त तनपुरे यांनी आज ( शुक्रवारी ) काढल्याने खळबळ उडाली . काटोल येथील अर्जदार राधेश्याम बासेवार , राजेश राठी , नगरसेवक संदीप वंजारी यांनी वेगवेगळ्या व काही संयुक्त अशा चार वेगवेगळ्या तक्रारी नगर विकास मंत्रालयाकडे केल्या होत्या . नगर विकास मंत्रालयासमोर ११ नोव्हेंबर रोजी व्हिडीओ कॉन्फरसद्वारे झालेल्या
सुनावणीनंतर वरील अपात्रतेचे ( अनर्ह ) आदेश काढण्यात आले . अर्जदार राधेश्याम बासेवार यांच्याशी मोबाईलवर साधलेल्या संपर्कात विचारले असता विद्यमान नगराध्यक्ष वैशाली ठाकूर , तत्कालीन उपाध्यक्ष जितेंद्र तुपकर व गटनेते चरणसिंग ठाकूर यांनी पदाचा दुरुपयोग केला असल्याचे सांगितले . त्यामुळे नगर विकास मंत्रालयात दाद मागितली . त्यांच्या विरुद्ध एकूण चार प्रकरणे होती . यात क्रीडांगणाच्या आरक्षित जागेवर घरकुल योजना राबविणे , पंचवटी म्हाडाच्या जागेत पूर्वी बांधलेले बाजार ओटे कुठलीही परवानगी न घेता तोडणे व त्यामुळे नगर परिषदेचा झालेल्या निधीचा गैरउपयोग , मर्जीतील लोकांना घरकुल देणे , पंतप्रधान आवास योजनेत शासनाचे निर्णयाचे विरुद्ध एकपुस्त रक्कम न देता न.प. फंडातून बिल अदा करणे आदी प्रकरणे असल्याची माहिती मिळाली.
न.प. गट नेते चरणसिंग ठाकुर : , मी समाजाकरिता चांगले काम केले असून माझी ही यात्रा थांबणार नाही , मी कुणालाही दोष देत नसल्याचे त्यांनी सांगितले .
